فصوص الحکم وخصوص الکلم

کتاب فصوص الحکم وخصوص الکلم

شیخ صدر الدین قونوی کے ہاتھ کا لکھا نسخہ جس پر شیخ اکبر محیی الدین محمد ابن العربی کے دستخط موجود ہیں۔ اور ابتدا اور انتہا میں دو سماعات بھی ہیں۔ ہم نے اپنے ایڈیشن کو اس نسخے سے مدون کیا ہے۔ لہذا جو لوگ یہ کہتے ہیں کہ فصوص شیخ اکبر کی کتاب نہیں یا اس میں الحاقی عبارات ہیں تو اس کا امکان نہ ہونے کے برابر ہے۔ اصل بات یہ ہے کہ لوگ فصوص کو اپنی ظاہری فہم سے پڑھنے کی کوشش کرتے ہیں اور جب ظاہری الفاظ سے انہیں بات سمجھ نہیں آتی تو یا کتاب کا انکار کرتے ہیں یا شیخ اکبر کا انکار کرتے ہیں۔ أگر آپ اس کتاب کو اس ظاہری قید سے ماورا دیکھیں جو آپ نے اس پر لگائی تو یہ کتاب لازما آپ کو باطن کے ان حقائق سے روشناس کروائے گی جن کا کبھی آپ نے تصور بھی نہیں کیا ہو گا۔

کتاب کے مقدمے میں شیخ اکبر نے رسول اللہ صلی اللہ علیہ وسلم کے جو الفاظ نقل کیے وہ قابل غور ہیں۔: یہ کتاب فصوص الحکم ہے اسے پکڑو اور لوگوں تک پہنچاؤ تاکہ وہ اس سے نفع اٹھائیں۔ میری اپنی رائے میں اس کتاب سے اسی وقت نفع اٹھایا جا سکتا ہے جب آپ خود کو قیود سے آزاد کر کے اسے سمجھیں وگرنہ اس سے اجتناب ہی بہتر ہے کہ ظاہر اس کا مراد نہیں اور باطن تک آپ کی رسائی نہیں۔

والسلام

ابرار احمد شاہی**